АЙВИКО компаниас Алтангадас одонгын эзэн тодорлоо
АЙВИКО компаниас Алтангадас одонгын эзэн тодорлоо
2016-03-22-ний билэгт сайн өдөр АЙВИКО компанийн үйлдвэр эрхэлсэн захирал Б. Таванжин төрийн дээд шагнал болох Алтангадас одонгоор шагнууллаа. Энэхүү шагналыг Монгол улсын эрүүл мэндийн салбарт оруулсан 20 гаруй жилийн нөр их хөдөлмөрийг үнэлэн олголоо.
АЙВИКО тарилгын эмийн үйлдвэрийг анх 2005 онд үйл ажиллагаагаа явуулж эхлэхэд анхны шавийг тавилцсан хүмүүсийн нэг нь Б. Таванжин захирал юм. Уг компани нь өнөөдөр Монгол улсын хэмжээнд их бага эзэлхүүнтэй тарилгын уусмалыг үйлдвэрлэж, импортыг орлох бүтээгдэхүүнээр дотоодынхоо хэрэгцээг хангах зорилготой ажиллаж байна.
Энэхүү өнөөдрийн амжилтанд Б. Таванжин захирлын оруулсан хувь нэмэр маш их гэдгийг дурьдах нь зүйтэй. АЙВИКО компанийн нийт ажиллагсад, хамт олны зүгээс Алтангадас одонт Б. Таванжин захиралын цаашдын ажил амьдралд эрүүл энх, аз жаргалыг хүсэн ерөөе.